ກ່ຽວກັບ BENQI (QI)
BENQI ແມ່ນໂປຣໂຕຄອນຕະຫຼາດສະພາບຄ່ອງແບບບໍ່ຮັບຝາກສິນຊັບ ທີ່ເຮັດວຽກໃນເຄືອຂ່າຍ Avalanche. ໂປຣໂຕຄອນ BENQI ລະບຸວ່າໄດ້ຮັບການອອກແບບມາເພື່ອແກ້ໄຂບັນຫາຄ່າທຳນຽມເຄືອຂ່າຍທີ່ສູງ ເຊິ່ງເປັນອຸປະສັກຕໍ່ຜູ້ທີ່ຕ້ອງການເຂົ້າສູ່ຕະຫຼາດການຊື້ຂາຍຄຣິບໂຕ ໂດຍນຳສະເໜີຊຸດໂປຣໂຕຄອນ DeFi ບົນແພລັດຟອມທີ່ອ້າງວ່າສາມາດຂະຫຍາຍຕົວໄດ້ ແລະ ເປັນແບບກະຈາຍສູນ. ແພລັດຟອມນີ້ຂັບເຄື່ອນດ້ວຍໂທເຄັນປະຈຳເຄືອຂ່າຍຄື QI ເຊິ່ງໃຊ້ຕົວຫຍໍ້ $QI.
ໂປຣໂຕຄອນນີ້ເປີດໃຫ້ຜູ້ໃຊ້ນຳສິນຊັບຂອງຕົນມາລວມກັນໃນ Pool ສ່ວນກາງ ເພື່ອໃຫ້ຜູ້ອື່ນສາມາດກູ້ຢືມໄດ້. ຜູ້ໃຊ້ທີ່ຈັດຫາສະພາບຄ່ອງໃຫ້ກັບໂປຣໂຕຄໍສາມາດຮັບຜົນຕອບແທນໄດ້ ໃນຂະນະທີ່ຜູ້ກູ້ສາມາດເຂົ້າເຖິງເງິນທຶນໄດ້ໂດຍຕ້ອງວາງຫຼັກຊັບຄໍ້າປະກັນທີ່ມີມູນຄ່າສູງກວ່າຍອດເງິນກູ້.
BENQI ອ້າງວ່າເປັນຕະຫຼາດສະພາບຄ່ອງລາຍທຳອິດທີ່ສ້າງຂຶ້ນເທິງ C-Chain ຂອງ Avalanche ໂດຍບໍລິການຂອງແພລັດຟອມປະກອບດ້ວຍຕະຫຼາດການໃຫ້ກູ້ຢືມ ແລະ ການຂຸດສະພາບຄ່ອງ. ຜູ້ໃຊ້ສາມາດນຳສິນຊັບທີ່ບໍ່ໄດ້ໃຊ້ງານມາປ່ອຍກູ້ເພື່ອຮັບດອກເບ້ຍ ຫຼື ເລືອກນຳສິນຊັບມາໃຊ້ເປັນຫຼັກຊັບຄໍ້າປະກັນບົນ BENQI. ຕົວຢ່າງເຊັ່ນ: ຜູ້ໃຊ້ສາມາດນຳ ETH ທີ່ບໍ່ໄດ້ໃຊ້ງານເຂົ້າສູ່ຕະຫຼາດການໃຫ້ກູ້ຢືມເພື່ອຮັບດອກເບ້ຍຈາກເງິນຝາກ ແລະ ETH ທີ່ປ່ອຍກູ້ນີ້ຍັງສາມາດໃຊ້ເປັນຫຼັກຊັບຄໍ້າປະກັນເພື່ອກູ້ຢືມ AVAX ເຊິ່ງຜູ້ໃຊ້ຈະຕ້ອງຊຳລະດອກເບ້ຍ. ຜູ້ໃຊ້ສາມາດເຮັດການຝາກເພື່ອຮັບຫຼຽນ, ກູ້ຢືມ ແລະ ໃຫ້ກູ້ຢືມໂທເຄັນພາຍໃນແພລັດຟອມ BENQI ລວມເຖິງມີສ່ວນຮ່ວມໃນການບໍລິຫານຈັດການເຄືອຂ່າຍ.
BENQI ຮ່ວມມືກັບ KyberSwap, Pangolin, Keystone ແລະ ໂຄງການອື່ນໆ.
Benqi ມີການສະໜອງສູງສຸດ ແລະ ການສະໜອງໝູນວຽນ 7.2 ຕື້ QI, ໂດຍການສະໜອງທັງໝົດມີໝູນວຽນຢູ່ໃນປັດຈຸບັນ. BENQI (QI) ຈົດທະບຽນຢູ່ໃນ Binance ສຳລັບການຊື້ຂາຍ ແລະ ການຊື້. ລາຄາປັດຈຸບັນຂອງ BENQI ຈະໄດ້ຮັບການອັບເດດ ແລະ ຕິດຕາມໄດ້ແບບຣຽວທາມ ໃນ Binance.
